جميع انواع الجيرمن شيبرد وأسمائهم والفرق بين الورك لاين والشو لاين

مصطلحات لازم تعرفها :-

coat : معناها معطف والمقصود الفرو ,

ورك لاين :كلب العمل .

شولاين : كلب العروض .

sable:يعنى لون الكلب مختلط مع الاسود.

solid: يعنى الفرو متواصل وبيكون لون واحد.

اول حاجه هنتكلم عليها هى الرويال بلاك والمشهور بأسم (بلاك كوت) وده أسم خطأ وسبب خطأ التسميه اننا رابطنا كلمة coat مع اللون اللى هو بلاك بس الصح نقول رويال بلاك سوليد.

وده رويال ريد سوليد وبيكون لونه احمر مقفول 

وده رويال بلو سوليد وبيكون ازرق ونادر جدا 

واخيرا الوايت جيرمن 

تانى حاجه  هى السيبل sable ويقال عليه ازازى او هزازى وده خطأ والصح هو نقول سيبل اسود او سيبل فضى حسب اللون الموجود زى مثلا السيبل الاحمر 

او السيبل الفضى السلفر

ثالث حاجه السادل والمقصود بها الجاكيت وهنا الاسم الخطأ هو بلاك جاك لكن الاسم الصحيح هو سادل متوسط او سادل كبير او سادل ضخم حسب الصور 

بالنسبه للفرو 3 انواع الشورت او القصير 

والمنفوخ plush

والشعر الطويل 

الفرق بين الشولاين والورك لاين :
الشولاين هوكلب العروض وبيكون المواصفات القياسيه من حيث المظهر فقط (الشعر والطول والكسحه وطريقة المشى وطريقة الجرى والوقوف ) يكون بيعمل حاجه صح وده طبعا بيخلى سعره غالى , من عيوبه انه مش بيتحمل مجهود وبيجلوا خشونه من الفقرات الاخيره فى ضهره بسبب الكسحه ومش بيكون بنفس قدر ذكاء الورك لاين لأهتمامهم بالمظهر فقط 

الورك لاين : وهو كلب مجهود وعمل وبيستخدم فى التأمين ومع الشرطه ومش بيعانى من مشاكل مزمنه مثل الشولاين , بيعتمدوا فى انتاجه على الذكاء فقط .

ملحوظه اخيره : 

1 -العلامه البيضاء فى صدر الجيرمن شيبرد عاديه لكن مش محبوبه 

2- اللون الابيض مش بيدخل العروض .

3- الالوان ملهاش علاقه بذكاء الكلب 

متنساش تتابعنا على اليوتيوب والفيس بوك