للكلاب قشر البيض والجرجير والنعناع علاج سحري موجود في البيت

السلام عليكم ورحمة الله وبركاته ويارب تكونوا بخير ، النهاردة هنتكلم عن حاجات موجودة ف بيتك ومتعرفش قيمتها بالنسبة لكلبك .

أولا قشر البيض : عنصر قوي جدا وغني جدا بالكالسيوم وبيساعد الكلب او الجرو على النمو السليم والسريع للهيكل العظمي بدون مشاكل أو ليونه عظام  ، بيساعد على انتصاب أذن الكلب ، وكمان بيساعد على نمو الأسنان للجراء سواء وقت نمو الأسنان لأول مرة أو وقت التبديل .

 طريقة التحضير

هتجيب قشر البيض مسلوق وهنشفه في الشمس وبعدها هتطحنه كويس جدا في مطحنة الفلفل الأسود أو الكمون أو مطحنة القهوة ويفضل مطحنة القهوة لأنها بتخليه زي البودرة وده أفضل للكلب لأن قشر البيض صعب أثناء الهضم ، لو مش هتطحنه يبقى متسخدمهوش لأنه زي ما قولتلك صعب الهضم  وبعد الطحن ضيفه على أكل الكلب بمقادير متوسطة يعني ربع معلقة صغيرة على كل وجبة .

ثانيا الجرجير : مصدر قوي جدا للحديد ولما نتكلم عن الحديد  يعني... الشعر. بيساعد على نمو الشعر بشكل سريع وقوي ولامع ده غير انه بيمنع التساقط ، وبيساعد على عميلة  الهضم ، وبيمنع أو بيقلل الحشرات للكلب .

 الاستخدام :
عصير الجرجير ملعقة يوميا في فم الكلب ويمكن تدهن شعر الكلب بزيت الجرجير شرط انه يوصل لفروة الشعر .







ثالثا النعناع : مفيد جدا لو كان كلبك بيعاني من مشاكل هضمية وبتعرفها لو الكلب عنده امساك او اسهال ، يضاف على كل وجبة ٥ جرام فقط .يعني  ملعقة صغيرة من النعناع الجاف او نعناع أخضر يفضل تقطيع الورقة او هرسها .

معلومة سريعة :
1: عضم , اسنان , انتصاب ودن الكلب محتاج كالسيوم ( لبن ، بيض ، قشر بيض)

2: شعر بيقع مش بيلمع مش طويل ( زيت جرجير دهان ، عصير الجرجير شرب )

3: كلبك مش بياكل يبقى (ديكال ب ١٢)

4: كلبك بياكل اديله عيش هيكبر ويقلبظ (رز ومكرونة )  مفيدين جدا .

و متنساش تتفرج علي الفيديوهات