علاج تساقط الشعر في الكلاب في البيت و بشكل نهائي.....

السلام عليكم ورحمة اللة وبركاته ويارب تكونوا بخير ، النهاردة موضوعنا اكيد قابلك لو بتربي كلاب وهو تساقط الشعر هنتكلم عن (أسبابه ، وعلاجه) وامتي هيكون طبيعي وامتي يكون محتاج علاج ، يلا نبدأ ....
أولا الأسباب : وهنا بتنقسم الي قسمين فيه منها الطبيعي والغير طبيعي.

الغير طبيعي : وهو لما اشوف في الكلب بتاعي انه بيوقع شعر بشكل كبير وغالبا هتلاقي عرض أو اكتر موجودين في الكلب ....
1: الشعربيقع ع شكل كتل كبيرة .
2: بقع حمرا على الجلد .
3: هرش أو حكة .
4: قشرة.
5: وجود أماكن جلدية من غير شعر.
6: حشرات .

الحلول:

برضو بيتقسموا قسمين ( حلول ثابتة & حلول متغيرة ) .
الحلول الثابتة : هي تسريح الشعر بشكل يومي ، نهتم بالفيتامينات شوية فيه اقراص (try-b ) هتديها للكلب حسب ما البيطري يقولك وزي ما عودتك فيه بديل رخيص وهو عصير الجرجير تقدر تضرب الجرجير في الخلاط وتديه للكلب وده بيعالج نقص الحديد في الجسم .

الحلول المتغيرة : و هي هتكون حسب الاعراض اللي عند الكلب

القشرة : وهنا هنجيب شامبو (نيزورال ) ونحمي بيه الكلب بدل الشامبو اللي بنستخدمه ، وكالعادة البديل الرخيص وهو( البيتادين) والاستحمام في الفترة دي هيكون بمياة دافية والشعر يتنشف كويس جدا.
الحشرات : أمبول( بارس) للحشرات نوعين (مصري &ألماني) هتجيب الالماني والحقيقة انه فعال جدا ولازم تستخدمه لو فيه حشرات و سعره لا يتعدي 50 جنيه في مصر , ولا يفضل حقن الحشرات للكلاب .
الديدان : ودي بتكون ملحوظة في الشهية والبراز بتاعه بتلاقي فيه ديدان ، والديدان بتسبب بنقص حاد في الشهية والصحة علشان كدة علاجه لازم يكون سريع لو لاحظت ديدان في الكلب بتاعك وهنا بننصحك ب (دورنتال بيطري أو بندركس بشري) ، واحد من الأتنين يفضل دورنتال وبيعطى حسب وزن الكلب اللي البيطري هيديهولك ، لو ملاحظتش ديدان بس شاكك إن الكلب مش بياكل كويس أو بياكل ومش باين عليه يبقى فلاجيل شرب من الصيدلية وتدي الكلب ٣ سم لمدة أربعة أيام وامنع ثلاث ايام وارجع اديله ٣ سم تاني لمدة أربع أيام .

و متنساش تشوف الفيديوهات