مقارنة بين البيتبول والدوجو

السلام عليكم ورحمة اللة وبركاته ويارب تكونوا بخير،

هنتكلم النهاردة عن مقارنة بين البيتبول والدوجو من حيث :

(الصحة ، القوة ، الصفات الجسدية ، الصفات المزاجية، القدرة ع الحراسة ، مناسبته للتربية ، سهولة التنظيف ، القدرة على التدريب ، العمر والتوالد )

أولا الصحة : الكلبين بيتميزوا بمناعة عالية جدا ضد الأمراض ومفيش أي  أمراض مزمنة بتيجي للكلبين غير حاجة بسيطة كدة وهي إن الدوجو بما إنه أبيض فنسبة ١٥% من الجراء بتتولد عندها صمم (طرش) في ودن او الودنين ونتجنب ده بإجراء أختبار للسمع عند شراء الجرو .

ثانيا القوة:الكلبان عندهم قوة عالية جدا ونشاط عالي جدا كمان ، ولو انت شخص هادي او غير رياضي لا يفضل تربية أيا منهم وده بسبب أنهم بيحتاجوا جري باستمرار .

 

قوة العضة :

(البيتبول) يعد من أقوى الكلاب في قوة العضة

(الدوجو) فهو بيمتاز بإحكام العضة لأن فكه على شكل مستطيل بيقفل بالفك العلوي والسفلي مع بعض على نفس القطعة وبرضو العضة مش ضعيفه يعني عضة قوية وكمان محكمة .

ثالثا الصفات الجسدية :

جسم عضلي رياضي قوي بيحتاج لتمارين ومكملات غذائية عشان يظهر ليهم التقسيمة العضلية بين البيتول متميز جدا عن الدوجو في الحجم والتقسيم العضلي .
الألوان : الدوجو أبيض بس
البيتبول كل الالوان مع بعض أول كل لون لوحده (أزرق رمادي ، أحمر فون، أبيض، وأسود )

رابعا الصفات المزاجية:

البيتبول عنيد الدوجو أكتر منه في العند يعني لو البيتبول عنده ٦ من ١٠ فالدوجو ٩ من ١٠ ، البيتبول شرس جدا ضد الحيوانات متوسط الشراسة مع البشر اما الدوجو شرس جدا جدا ضد الحيوانات خاصة الكلاب وشرس جدا مع البشر أيضا وبيتفوق على البيتبول في درجة الشراسة .

خامسا القدرة علي الحراسة:

الكلبان ممتازين لو هتحرس مكان انت مش موجود فيه ، لانهم بيتعاملوا من غير نباح ، يعني لو انت موجود في بيت وبتربي دوجو أو بيتبول ممكن لا قدر الله تنزل وتلاقي حرامي مرمي في الجنينة ، ودي ميزة في الكلبين انهم بيتعاملوا بس ف نفس الوقت هو عيب لأن الهدف من حراسة المنشأت أن الكلب يكون ينبح عشان يبعد المتعقبين عشان كدة الكلبين بره تصنيف حراسه المنشات بس هما متميزين في الحراسة .

سادسا مناسبته للتربية :

البيتبول مناسب للبيت لانه بيحب الأطفال جدا بس طبعا تحت رعايتك ويكون اتربى معاهم من صغره ، الدوجو لا يصلح للتربية في البيت ، الكلبين يحتاجوا خبرة منك ومينفعش تربيتهم لو مبتدأ.
سابعا التنظيف : سهل جدا للكلبان مش بيوقعوا شعر وشعرهم صحي جدا وقصير .

ثامنا القدرة على التدريب :

تدربيات الطاعة صعبة وبيحتاجوا خبرة كبيرة ، تدريبات الشراسه سهلة لان شراستهم الفطرية عالية جدا .
تاسعا العمر والتوالد : البيتبول بيعيش من ١٥:١٠ سنة
الدوجو متوسط عمره ١٤ سنة .

التوالد :

البيتبول بيولد في المتوسط ١٤ جرو والدوجو متوسط ٨ حاجة جراوي .

-في النهاية ممكن يقابلك بيتبول او دوجو ذكي مش عنيد ، او جبان وشراسته الفطرية ضعيفة ، ممكن يقابلك بيتبول او دوجو كسول مش نشيط بس تأكد أن دي حاجة مش بتكرر كتير .