علاج الاسهال فى الكلاب

الاسهال فى الكلاب و علاجه و طبعا الشتا داخله و لازم ناخد بالنا كويس
بداية يعنى ايه الاسهال عرض لمرض و مش مرض في حد ذاته يعنى بالظبط لما يجيلك صداع بعده رشح بعد تعرف ان عندك برد .

بس عند الكلاب بقى بيجي اسهال بعدها رشح بعدها يظهر المرض
و هنا هتكلم عن حالتين من الاسهال الاولى مش هنعالجها و التانيه هى اللى هنعالجها .

الحالة الاولى : لو لقيت مع الاسهال دم او  لون الاسهال اسود 
لو لقيت ترجيع او قئ 
لو لقيت فقدان الشهية عند الكلب 
لو الاسهال طول اكتر من 3 ايام 
فى الحالة دى هنروح للدكتور على طول لان الحالة فى اول مرحلة الخطورة 
الحالة التانية : و دى اللى هنعالجها فى البيت لو مفيش اى عرض من اللى قولنا عليهم مع الكلب هنعالجه ازاى 
 هتمنع أكل لمدة 24 ساعة لو كبير و 8 ساعات لو جرو  بس هتخلى المياة باستمرار قدام الكلب عشان ميحصلش جفاف 
هتمنع اى  حاجة من منتجات الالبان 
بعد ما تمنع اكل هتبدأ تقدم للاكل فراخ مسلوقه و رز مسلوق وجبات صغير 
لحد ما الاسهال يتمنع و ممكن تستخدم فلاجيل  شرب مطهر معوى 3 سم فى فم الكلب لمدة 3 ايام  
و بعدها تبدأ تضيف الوجبات الاساسية اللى كنت بتاكلها للكلب 
يارب اكون قدرت افيدكوا و متنسوش تتفرجوا على الفيديوهات