قشر البيض والجرجير والنعناع
السلام عليكم ورحمة الله وبركاته ويارب تكونوا بخير ، النهاردة هنتكلم عن حاجات موجوده ف كل بيت ومتعرفش قيمتها لكلبك
١_ قشر البيض: عنصر قوي جدا وغني جدا بالكالسيوم بيساعد كلبك او الجرو على النمو السليم والسريع للهيكل العظمي بدون مشاكل او ليونه عظام ، وبيساعد على انتصاب اذن الكلب، وبردو بتساعد على نمو الأسنان للجرو سواء وقت نمو الأسنان لاول مرة او وقت التبديل
التحضير : هتجيب قشر البيض مسلوق وهنشفه في الشمس وبعدها هتطحنه كويس جدا في المطحنه الفلفل الاسود والكمون او مطحنه القهوة ويفضل مطحنه القهوة علشان بتخليه زي البودرة وده افضل للكلب لان قشر البيض صعب الهضم ، لو مش هتطحنه يبقى متستخدموش علشان علشان زي ما قولتلك هو صعب الهضم وبعد الطحن ضيفه على أكل الكلب يعني ¼ معلقة صغيرة على كل وجبة .
الجرجير : مصدر قوي جدا للحديد ولما نتكلم على الحديد فنقدر نقول ان ده مكون بيساعد على نمو الشعر بشكل سريع وقوي ولامع ده غير انه بيمنع التساقط وبيساعد في عملية الهضم وبيمنع او بيقلل وجود الحشرات في الكلب .
التحضير: عصير الجرجير معلقة يوميا في بوء الكلب ويمكن تدهن شعر الكلب بزيت الجرجير شرط انه يوصل لفروة الشعر
ثالثا النعناع : مفيد جدا لو كان الكلب بيعاني من مشاكل هضمية وبتعرفها لو الكلب عنده إمساك او إسهال
الاستخدام: ضيف على كل وجبة ٥ جرام فقط يعني معلقة صغيرة من النعناع الجاف لو النعناع اخضر يفضل تقطيع الورقة او هرسها .
معلومة على السريع : عضم أسنان وانتصاب ودن الكلب يعني كالسيوم وبنلقيه (لبن ،بيض، قشر البيض )
شعر بيقع مش بيلمع ومش طويل يعني نستخدم (زيت جرجير، هاند عصير الجرجير شرب )
كلبك مش بياكل يبقى ( ديكال ب ١٢ )
كلبك بياكل اديله ( عيش ، ارز ، مكرونه )هيكبر ويقلب .
ليست هناك تعليقات