مشكلة تساقط الشعر

 السلام عليكم ورحمه الله وبركاته  ويارب تكونوا بخير ، النهاردة موضوع اكيد قابلك لو انت بتربي  كلب وهو تساقط  الشعر ، هنتكلم  أسبابه وحلوله وامتى  يكون  طبيعي وامتى  يكون  محتاج علاج ، يلا نبدأ يا معلم اولا هنتكلم  عن اسباب الشعر وهنقمسهم  قسمين  (أسباب طبيعية  واسباب غير طبيعية) 

اولا الطبيعي : تغيير المواسم معظم الكلاب بتغير  شعر في تغيير  الفصول  يعني من شتا لصيف  اللي هو (وقت الربيع والخريف) فيه الكلاب بتنزل  شعر قليل وفيه  بتألش  شعرها كله  

ثانيا الغير طبيعي   : وهو لما ألاقي الكلب  بتاعي بيوقع شعر بشكل كبير وغالبا هنلاقي  عرض او أكتر  موجودين في الكلاب زي مثلا : 

١_ انه بيوقع شعر على شكل كتل كبيرة 

٢_بقع حمرا على الجلد 

٣_هرش او حكة 

٤_قشرة 

٥_وجود أماكن جلديه من غير شعر 

٦_حشرات 

 

 

الحلول 

- الحلول بقى مقسمة  لقسمين حل ثابت وحل متغير ، يعني ايه  ؟!! انا هقولك حاضر 

الثابت : 

١_ تسريح الشعر بشكل يومي 

٢_ نهتم  بالفيتامينات شويه في اقراص اسمها  try B. هتديها للكلب على حسب ما الدكتور البيطري يقولك ، وزي ما عودتك  في بدايل رخيصة للفيتامين  ده وهو عصير الجرجير وهي انك تضرب الجرجير في الخلاط وتديه للكلب وده  بتعالج نقص الحديد في الجسم  . 

 

 

 

ثانيا مشكلة القشرة : 

- وهنا هنجيب شامبو نيزوال  ونحمي  بيه الكلب بدل الشامبو اللي بنستخدمه  ، وكالعادة البديل الرخيص  وهو البيتادين   والاستخدام في الفترة دي هيكون بميه دافيه .

 

 

ثالثا الحشرات: 

-امبول بارس للحشرات نوعين مصري والماني  ، هتجيب الألماني والحقيقة انه فعال جدا ولازم تستخدمه لو في حشرات ولا يفضل  الحقن في حاله  وجود حشرات للكلاب .

 

رابعا الديدان : ودي بتكون ملحوظة على  شهية  الكلب  والبراز  بتاعه بتلاقي فيه ديدان  ، الديدان بتسبب نقص حاد في الشهية والصحة علشان  كدة علاجه لازم يكون سريع ، لو لاحظت ديدان في  الكلب بتاعك وهنا نقدر نقول دورنتال  بيطري  ، بندراكس  بشري واحد من الاتنين يفضل درونتال   وبيعطى  حسب وزن الكلب  والبيطري اللي هيدهولك  ، لو ملاحظتش  ديدان بس شاكك ان الكلب مش بياكل كويس او بياكل ومش باين عليه يبقى تديله  ٣ سم فلاجيل  شرب من الصيدليه لمدة اربع  ايام وامنع  اسبوع وارجع   اديله ٣ سم  لمدة ٤ ايام وتمام كدة